Një 25 vjeçare, humbi jetën sot në Maternitetin e Elbasanit vetëm një orë pas lindjes, si pasojë e një ataku kardiak.
Lidhur mbi këtë ngjarje ka reaguar edhe vetë Spitali, ku në një deklaratë për mediat thuhet se e reja humbi jetën si pasojë e një komplikacioni, edhe pse mjekët i ofruan shërbimin maksimal.
“Duke shprehur ngushëllimet familjarëve për humbjen e 25-vjeçares R.D., Spitali rajonal Elbasan sqaron opinionin publik ne lidhje me humbjen e jetës së 25-vjeçares si vijon: Pacientja R. D. u paraqit në spital më datë 22.04.2019 në orën 10:25 paradite. Pacientja ka ardhur me urgjencë në spital, me barrë të vonuar 42-javëshe dhe është futur në sallë, ku mjekët asistuan lindjen e fëmijës, i cili erdhi në jetë në orën 11:50. Foshnja u reanimua dhe gëzon shëndet të mirë. Stafi mjekësor ka dhënë trajtimin e duhur mjekësor, por nëna e re dyshohet se pësoi komplikacion postoperator trombemboli pulmonare, e papajtueshme me jetën. Aktualisht priten rezultatet e ekspertizës mjeko-ligjore për shkakun e vdekjes së nënës”, thuhet në deklaratën e spitalit, ndaj të citit ka pasur akuza për neglizhencë nga familjarët e viktimës.
*Vdekja e 25 vjeçare, flet shefja e spitalit: Nuk iu bë vizita e zemrës
