Hetimet për grabitjen në Rinas kanë marrë një kthesë të madhe pas identifikimit të servisit, në periferi të Elbasanit, që bëri modifikimin e furgonit. Bëhet me dije se nga aty ka nisur e gjithë rrjedha e hetimeve të tjera, ku dhe janë zbuluar disa bashkëpunëorë që janë të arrestuar tashmë.
Sipas informacioenve mësohet se dy nga 4 të arrestuarit janë modifikuesit e furgonit. Por servisi kishte më shumë se 6 muaj që i ishte dhënë me qera pikërisht Klement Calës, i cili ka nëshkruar kontratën përmes të afërmit të tij.
Klement Cala është person i kërkuar dhe dyshohet se është një prej personave të shpallur në kërkim në lidhje me grabitjen e ndodhur në aeroportin e Rinasit. Cala është shpallur në kërkim disa ditë më parë dhe mendohet se ai të jetë një nga personat që ka marrë pjesë në grabitje.
