Tri kisha dhe dy hotele u përfshinë nga një valë shpërthimesh, duke shkaktuar 20 viktima dhe mbi 200 të plagosur.
Ngjarja e rëndë ka ndodhur në Sri Lanka, ku e diela e Pashkëve është përgjakur.
Mediat vendase raportojnë se numri i viktimave mund të arrijë në 40 persona.
Autoritetet thonë se u raportua për 6 shpërthime, ndërsa në shënjestër kanë qenë tri kisha në Kochchikade, Katuwapitiya dhe Batticaloa.
Ngjarja ka ndodhur kur besimtarët filluan kremtimin e të dielës së Pashkëve.
Shpërthimet duket se kanë qenë të koordinuara, pasi kanë ndodhur rreth orës 8:45 sipas kohës lokale.
Ndërkohë mediat lokale raportojnë se në të njëjtën kohë, në kryeqytet, u goditën hotelet Shangri-La dhe Kingsbury.
