Ish-deputet i Partisë Demokratike, Ervin Saljanji, ka tallur Ralf Gjonin, deputetin e asaj që quhet si “opozita e re”.
Në studion e Open, Salianji iu drejtua Gjonit “çfarë burri je ti me këtë zë të hollë?! Trash zërin kur flet në televizor se po ndot ambjentin politik. Atë bojën që të hodhën e ke pak”.
“Unë kam turp që dal në të njëjtin ekran me ty, por çfarë të bëj! Ti je budalla! Ti je aty për të marrë një rrogë dhe kaq. Mos ma trash zërin mua se e ke të hollë”, vijoi Salianji.
“Unë ta trash ty dhe kryetarit tënd”, ishte përgjigja e Ralf Gjonit.
“Do të ketë reagime edhe më shumë nga qytetarët që nuk përfaqësohen nga ty”, tha Salianji, ndërsa Gjoni i ka kërkuar që të mos i kujtojë më momentin kur i kanë hedhur bojën.
