Dy te rinj jane vene ne pranga pasi kane qelluar me arme zjarri, bene me dije kete te merkure burime zyrtare nga policia e Durresit, ndërsa një 15-vjeçar po hetohet ne gjendje te lire.
“Specialistët për Hetimin dhe Parandalimin e Krimeve në Komisariatin e Policisë Durrës, falë informacionit të qytetarëve dhe reagimit në kohë, arrestuan në flagrancë shtetasit: L.B., 21 vjeç, K.P.,19 vjeç, si dhe filloi procedimi penal për shtetasin e mitur A.K.,17 vjeç , banues në lagjen Nr.15, Durrës. Arrestimi i tyre u bë pas informacioneve të marra nga qytetarët se këta shtetas në ‘Portoromano’, ishin duke qelluar me armë zjarri në ajër”, njoftoi Policia.
Në cilësinë e provës materiale u sekuestrua arma e zjarrit automatik, ndërsa materialet i kaluan Prokurorisë pranë Gjykatës së Shkallës Parë Durrës për veprën penale ”Prodhim dhe mbajtja pa leje e armëve luftarake dhe municionit”, shtuan te njejtat burime.
