Kryeministri Edi Rama ka zhvilluar një vizitë zyrtare në Katar, ndërsa ka qenë i shoqëruar nga ministrja Belinda Balluku.
Por pjesë e delegacionit të Ramës ka qenë edhe Kryebashkiaku i Durrësit, Vangjush Dako, i cili ka marrë pjesë në takimet me nivelit të lartë që ka zhvilluar Rama në Katar, përfshi këtu edhe atë me Amir H H Sheikh Tamim bin Hamad Al-Thani, kryeministrin e vendit.
Nuk dihet arsyeja pse Rama ka zgjedhur Dakon t’a shoqërojë në këtë vizitë, në një kohë kur është paralajmëruar se ai nuk do të jetë më kandidat për kryetar bashkie për një mandat tjetër në qytetin e Durrësit.
Dako prej disa muajsh ndodhet nën akuzat e opozitës lidhur me përfshirjen e tij në komunikime me grupet kriminale përsa i takon blerjes së votave. Madje emri i tij rezulton i përfshirë edhe në dosjen 339, që ndodhet në duart e prokurorëve, pikërisht për çështjen e tjetërsimit të votave.
Akuzat ndaj Dakos kanë sjellë një seri reagimesh, përfshi këtu edhe të vetë kryebashkiakut, që nuk ka nguruar t’a quajë veten një superman, ndërsa ka pohuar se duart e tij janë si akullore, si për të treguar pastërtinë e tij.
Gjithsesi pjesëmarrja në delegacionin e ngushtë të Ramës, tregon se Dako ka suportin dhe mbështetjen e plotë të kryeministrit, që mesa duket e cilëson kryebashkiakun e akuzuar të Durrësit si një nga bashkëpunëtorët e tij të afërt. /BN/
