Gazetarja Mira Kazhani i është vërsulur kolegut të saj, Adi Krasta, pasi ky i fundit e thumboi mbrëmjen e shkuar në “A Show”, lidhur me aksidentin që Kazhani bëri disa ditë më parë. Mira Kazhani thotë se Krasta i është lëpirë Sali Berishës në studio, ndërkohë që vite më parë thoshte se ai ishte një e keqe e madhe. Ditën e djeshme, Krasta në studio, duke iu drejtuar nga ekrani Kazhanit tha:
“Zonja Kazhani ku shkojnë paratë e bashkisë, a mundet që portali Tirana Post të bëjë një analizë se ku shkojnë këto para?’’
Reagimi i plotë:
Adi Krasta ka bërë disa pyetje ndaj meje, Nuk habitem që kur e pashë t’i lëpihej Berishës në emision që dikur e quante të keqe të madhe . Mu dhimbs në fakt…Tani unë të them të të vijë turp turp turp…
Inatet me politikanët që ke ngrënë darka dhe je prishur po nëpër darka nxirri me to. Mua mos më ngatërro me veten tënde se jam larg shumë, po shumë larg modelit tënd. Ti e ke dokumentuar veten tënde me video e mesazhe nëpër ekran. falë zotit s jam njeri ofertyash të parezistueshme as e pafytyrë që lëpij ku pështyj.
Ah sa më dhimbsesh ti Adi, ka kohë që më dhimbsesh. Por ndodh, secili ka aksidentin e vet, ti e pate me karakterin tënd. (Fotoja nga një intervistë ku prezantuesi më shpallte gazetare kurajoze. Ka edhe shumë të tjera në youtube.
Një javë më parë, gazetarja Mira Kazhani aksidentoi në autostradën Tiranë-Durrës, Nertil Pëllumbin, 17 vjeç. Raportimi paraprak ishte se i riu ishte jashtë rrezikut për jetën, por që prej atij momenti nuk pati më të dhëna për gjendjen e tij. Ishte ish-kryeministri Sali Berisha që ka publikuar dje foton, emrin dhe të dhëna rreth gjendjes se rëndë shëndetesore të 17-vjeçarit. Pas denoncimit të Berishës një reagim ka ardhur edhe nga vetë gazetarja Kazhani, e cila u shpreh se djali i kishte dalë para teksa po ecte në autostradë.
