Deputetët e asaj që quhet si “opozita e re” kanë kërkuar një interpelancë me Sandër Lleshin lidhur me grabitjen në aeroportin “Nënë Tereza”.
Deputetët që kanë hyrë në Kuvend pas dorëzimit të mandateve nga ligjvënësit e PD dhe LSI kërkojnë nga Lleshaj shpjegime mbi planin e masave të marra nga institucionet ligjzbatuese për mbrojtjen dhe sigurinë kombëtare, si dhe për zbatimin e legjislacionit në fuqi për ruajtjen e rendit publik në ambiente e këtij objekti strategjik të rëndësisë së veçante në territorin e Republikës së Shqipërisë”.
Interpelanca do të parashtrohet nga deputeti Ralf Gjoni, ndërsa zhvillimi i saj do të behet nga deputeti i PD-së, Myslim Murrizi.
Nuk dihet nëse deputetët e opozitës së re do të kenë kohë t’i kërkojnë shpjegime Lleshajt mbi dhunën dhe gazin e ushtruar nga policia ndaj protestuesve, megjithatë shumë prej tyre tashmë kanë mbajtur një qëndrim kundër protestave.
