Sot kanë zhvilluar protestë tek Prokuroria e Përgjithshme gazetarë të rinj nga të gjitha mediat në vend duke ngritur zërin për ti thënë STOP dhunës ndaj gazetarëve pasi vetëm në muajin e fundit janë shënuar plotë katër raste të tilla.
Shkak për këtë protestë u bë shtyrja ndaj gazetarit Renaldo Salianji nga truproja e Prokurores së Përgjithshme të Përkohshme, Arta Marku, kur ai po tentonte që ti bënte një pyetje në lidhje me grabitjen e 10 milion eurove në Rinas.
Por jo vetëm, pasi edhe kolegët Dorjana Bezat, Erjon Skëndaj si dhe një gazetar i ‘Fiks Fare’ nuk janë lejuar për të bërë punën e tyre, apo janë kërcënuar me jetë.
Moderatorja e Tv Klan, Brikena Prifti, ishte ajo që lexoji deklaratën dhe pasi përfundoi dikush e ka pyetur se përse nuk e ka ngritur zërin kur ajo po e lexonte deklaratën.
Kjo është përgjigja e saj:
“Dikush me pyeti sot ne proteste se perse nuk e ngritem zerin me shume kur lexuam deklaraten, kur shtruam kerkesat tona dhe kur theksuam shqetesimet qe kishim… 😊
Kjo eshte ajo qe ne, brezi i ri gazetareve, ne menyren me modeste, donim te tregonim sot: se e drejta nuk arrihet duke uleritur por duke protestuar paqesisht edhe atehere kur na luftojne, por me armen tone me te forte, fjalen!”
