Astrit Dule nga Fieri, i ekstraduar nga Greqia këtë të shtunë, ka bërë kërkesë në gjykatë vitin e kaluar, për shuarjen e dënimit.
Burime zyrtare nga Policia e shtetit njoftuan sot ekstradimin e 42-vjeçarit nga Fieri, ndaj të cilit rëndon një dënim me 15 vite burgim nga Gjykata e Durrësit, për veprën penale “Trafikim i femrave për qëllim prostitucioni”, i dhënë në vitin 2003.
“Zyra Qendrore Kombëtare e Interpolit në Tiranë, ekstradoi nga Athina/Greqi, drejt Shqipërisë shtetasin shqiptar: Astrit Dule, 48 vjeç, lindur në Fier. Ky shtetas ishte person i shpallur në kërkim ndërkombëtar, pasi Gjykata e Rrethit Gjyqësor Durrës e ka dënuar me 15 vjet burg për veprën penale, ‘Trafikim i femrave për qëllim prostitucioni’”, thuhet në njoftimin e Policisë.
Në listën e më të kërkuarve në Durrës
Në janar të këtij viti, Policia e Durrësit publikoi listën e personave me të kërkuar. Mes 24 emrave, ishte dhe Astrit Dule i arrestuar ne Greqi për llogari te autoriteteve shqiptare dhe me pas i ekstraduar ketë të shtunë drejt vendit tonë.
Kërkesa për shuarjen e dënimit
Duke qenë se dënimi ndaj tij është dhënë 15 vite më parë dhe Astrit Dule nuk është kapur nga policia gjatë kësaj kohe, përmes avokatit, 42-vjeçari ka bërë kërkesë për shuarjen e dënimit.
U kërkua “përjashtimi (Parashkrimi) nga vuajtja tërësisht e dënimit të dhënë me vendimin penal Nr.91, datë 25.02.2003 të Gjykatës së Shkallës së parë Durrës”. Kërkesa bë më 16 tetor 2018 dhe sipas të dhënave të Gjykatës së Durrësit, nuk ka ende një vendim. /Boldnews.al/
