Nga Boldnews.al
Për qeverinë situata e krimit është nën kontroll, por një ngjarje e rëndë e ndodhur 15.20 minuta, me të paktën një të vdekur dhe një shifër të madhe parash të grabitura, ka vënë në alarmë të plotë qeverinë e SHBA-së.
Zëvendës Ndihmës Sekretari i Departamentit të Shtetit për Evropën, Mattheë Palmer, ka mbetur “peng” në Tiranë. I vetmi Aeroport funksinal në vend, sot është nën mbretësinë e bandave kriminale, të cilët arritën të futen deri në pistë dhe nga bordi i avionit të rrëmbenin një shumë të madhe vlerash monetare. Përplasjet dhe shkëmbimi i zjarrit me armë automatike dhe granata e kanë kthyer Rinasin dhe periferinë e Tiranës në një zonë lufte.
Kjo ishte vetëm një “detaj” për kronikën e ngjarjes, por ky krimi ka vënë në vështirësi serioze ambasadën dhe qeverinë e SHBA-së, të cilët kanë zyrtarin e tyre të lartë në një vizitë në Tiranë.
Me siguri Rama në takimin prej 90 minutësh që pati dje me Palmer, mund ti ketë folur se qeveria e tij ka luftuar krimin e organizuar dhe korrupsionin. Ndërsa sot, kur Palmer po përgatitej për takimin e fundit të tij më presidentin Ilir Meta, krimi godet, bash në zemër të zonës që konsiderohet si më e “sigurta” në vend, në Aeuroportin e vetëm ndërkombëtar.
Tashmë halli më i madh është të sigurohet jeta e zyrtarit të lartë amerikan i cili kishte parashikuar se në mbrëmjen e sotme, rreth orës 21.30 të fluturonte nga Aeroporti i Rinasit. Kjo është më shumë se një grabitje dhe për të huajt mund të quhet një akt terrorist, kur persona të armatosur me automatikë kallshnikov dhe granata arrijnë të kalojnë çdo rreth sigurie dhe të futen në pistën e avionëve.
Është e vështirë tu shpjegohet përfaqësuesve të sigurisë së Palmer që të ikin të qetë, pasi është larg konceptit të tyre që ta marrin me lehtësi faktin që në të njëjtën pistë që do ulej avioni që do udhëtojë Palmër të bëhet zonë krimi me grabitje dhe përplasje të fortë me armë.
