Eugen Bojaxhiu, kandidat për deputet i LSI në Qarkun Berat në zgjedhjet e fundit parlamentare, ka dorëzuar në KQZ formularin e vetdeklarimit, duke i hapur rrugë kështu pranimit të mandatit të deputetit.
Më herët gjatë ditës së sotme, u raportua se edhe Andi Përmeti, kandidat për deputet i PD në Qarkun Korçë në zgjedhjet e fundit parlamentare, dorëzoi në KQZ formularin e vetdeklarimit.
Nismës së opozitës së bashkuar për të qenë jashtë parlamentit, që e quajnë të kriminalizuar, nuk i janë bindur disa deputetë apo kandidatë për deputetët në zgjedhjet e fundit parlamentare. Disa syresh, si Rudina Hajdari, Lefter Koka apo Myslym Murrizi, nuk dorëzuan mandatin e deputetit. Ndërsa të tjerë pranuan të zinin venet vakante në parlament, pas dorëzimit të mandateve nga deputetë të opozitës. Dy grupimet krijuan kështu të ashtuquajturën “opozita e re”. /BN/
