Hamdi Jupe, një prej themeluesve të Partisë Socialiste, thotë se është i pakënaqur me mënyrën se si Edi Rama po e drejton këtë parti dhe me mënyrën se si po qeveris vendin.
Në emisionin “Debati në Channel One”, Jupe u shpreh se nëse Rama do të jepte dorëheqjen nga posti i kryetarit të PS-së, ai do donte ta drejtonte ose Erion Veliaj ose Taulant Balla.
“Nuk jam i kënaqur. Në analizën time qeverisja meriton notën 7 me hatër. Kam qenë edhe mësues dhe e di vlerën e notës.
Unë jam socialist dhe po e mbaj me hatër. Nota është diku 6 e gjysmë po unë po i vendos 7.
Nëse Edi Rama do jepte dorëheqjen nga kryetar i PS unë do të propozoja Taulant Ballën dhe Erion Veliajn për kryetar”, thotë Jupe, i cili ka qenë një prej emrave të njohur në rradhët e socialistëve për rreth dy dekada.
