Mes shumë surprizash është mbyllur java e 27-të në Kategorinë Superiore. Humbjet e Kukësit dhe Partizanit ishin surprizat më të mëdha pasi verilindorët që u mposhtën 2-1 përballë Kastrioti, ndërsa “të kuqtë” humbën me rezultatin 3-1 përballë Luftëtarit.
Me këto dy rezultate shtyhet festa për titullin kampion, por një vëmendje të madhe merr fundi i tabelës me disa skuadra që rrezikojnë rënien nga kategoria.
Tirana ndërlikon akoma edhe më shumë situatën në zonën e ftohtë pasi edhe këtë javë është mposhtur me rezultatin 1-0 përballë Flamurtarit.
Gjithashtu një fitore të bujshme mori skuadra e Laçit që mposhti Teutën me rezultatin 5-0, duke marrë në këtë mënyrë edhe rezultatin më të thellë për këtë kampionat sa i përket diferencën së golave në triumfin e një skuadre.
Ndërkohë që Skënderbeut i ëhstë dhënë fitorja 3-0 në tavolinë me Kamzën, duke shkuar në kuotën e 40 pikëve, vetëm 3 pikë larg vendit të tretë që mbahte nga Teuta.
Ja rezultatet e ditës së sotme:
Kastrioti 2 – 1 Kukesi
Laci 5 – 0 Teuta
Flamurtari 1 – 0 KF Tirana
Skënderbeu-Kamza 3-0
Partizani 1 – 3 Luftetari
