Ritvan Zykaj, autori i masakrës së Selenicës, ku mbetën të vrarë 8 persona, do të përballet në Gjykatën e Vlorës më 16 korrik, ku pritet të mbahet seanca e rradhës.
Në këtë seancë pritet të japing dëshmitë e tyre dëshmitarët që fatmirësisht i shpëtuan tragjedisë.
Prokurori i çështjes Saimir Smaka, më 19 shkurt kërkoi dënimin me burg përjetë për Zykajn. Ai ka konfirmuar se dosja tashmë i ka kaluar prej pak muajve Gjykatës së Vlorës. Deri më tani lidhur me ngjarjen e rëndë që ndodhi në Selenicë, janë zhvilluar dy seanca paraprake, por pa praninë e autorit të masakrës, i cili vijon të mbahet i izoluar në dhomat e paraburgimit të Vlorës.
Masakra e Selenicës ndodhi në datë 10 shkurt në fshatin Resulaj të Selenices,ndersa Ritvan Zykaj vrau me armë zjarri tetë persona, nga të cilët dy të mitur.
Demir Zykaj 76 vjeç, Perri Zykaj 76-vjeç ; Besim Zykaj 45-vjeç (i biri), Vasilika Zykaj 40 vjeç (bashkëshorte e Besimit), Sara Zykaj 17 vjeçe (vajza e Besimit) Ledion Zykaj 6 vjeç (djali i Besimit); Azem Zykaj 49 vjeç (i biri), Afërdita Zykaj 47-vjeç (bashkëshorte e Azemit), ishin 8 personat që u vranë nga dora e Ritvan Zykajt.
Autori i masakrës kishte lidhje të ngushta familjare. Në dëshminë e tij, Zykaj ka deklaruar se kushërinjtë i vrau sepse e kishin akuzuar për vjedhjen e disa pulave.