Luçiano Boçi, ish-deputet i PD-së, ka treguar detaje nga përplasja që ka pasur policia e drejtuar nga nëndrejtori Albert Nushi, i kapur në përgjime me Alfred Alizotin në çështjen “Babalja”.
Boçi ka sqaruar momentet kur policia ka ndërhyrë brutalisht, madje ka tërhequr zvarrë edhe ish-deputetin, në një kohë kur qytetarët po protestonin kundër kryeministrit Edi Rama. Madje ish-deputeti shprehet se policia ka ushtruar dhunë ndaj protestuesve, i ka provokuar pa shkak, ndërsa qytetarët po protestonin paqësisht kundër juntës.
Boçi sqaron se protestuesit nuk kishin asnjë qëllim të pengonin eskortën e Ramës.
“Protestuest ishin vendosur në urë po prisnin ardhjen e eskortës së Ramës. Por nuk e kuptuam pse policia shfaqi atë sjellje brutale 1 orë para se të kalonte Rama.
Policinë e drejtonte Albert Nushi personi që paguan Fredi Alizotin në videopërgjimin e Babales, një kamikaz politik, që s’mund të përfaqësojë aspak policinë. Kishte kërcënime për jetën, për mua dhe qytetarë të tjerë.
Ishte një provokim i trashë. Kjo solli irritimin e protestuesve që janë përplasur me ta. Protesta vazhdoi, eskorta e Ramës ka ardhur pas një ore”, sqaron Boçi.
