Ddy persona të maskuar kanë hyrë në banesën e qytetarit me inicialet B. B., 53 vjeç ku kanë dhunuar të zonjën e shtëpisë dhe kanë grabitur një shumë parash.
Ngjarja ka ndodhur në lagjen “Naim Gjylbegu” mbrëmjen e djeshme kur ende nuk kishte perënduar dielli.
Kur të maskuarit kanë hyrë në banesë janë përballur me gruan që ndodhej aty me inicialet S. B., të cilën e kanë goditur me grushte disa herë.
Pas kësaj, dy personat e maskuar kanë grabitur shumën prej 3 milionë lekë dhe janë zhdukur. Në vendin ngjarjes kanë mbërritur uniformat blu që kanë nisur hetimet në lidhje me këtë ngjarje, ndërsa është duke u punuar për identifikimin e autorëve të grabitjes.
