Policia malazeze ka bllokuar rreth 170 kg marijuanë në grykëderdhjen e lumit Buna. Lënda narkotike u gjet e paketuar në çanta të mëdha pasagjerësh, ku ndodheshin 143 pako.
Kjo nuk është hera e parë që policia malazeze ka sekuestruar lëndë narkotike, ndërsa ka nisur bashkëpunimi mes policisë së Ulqinit dhe asaj të Shkodrës për gjetjen e personave të përfshirë në trafikun e narkotikëve.
Raportohet se në të dy anët e kufirit kanë nisur hetimet, ndërkohë që ende nuk ka asnjë person të ndaluar.
