Skënderbeu do ta bëjë pushim këtë fundjavë në Kategorinë Superiore pasi i duhej që të luante me Kamzën, por kamzalinjtë janë përjashtuar dhe bardhekuqtë do të marrin 3 pikët në tavolinë.
Këtë fundjavë, ekipi i drejtuar nga Orges Shehi mund të luajë një miqësore kundër Bylisit në kompleksin “Tropikal” të qytetit të Durrës, aty ku është edhe rezidenca e skuadrës korçare, pasi edhe ekipi i Bylisit është pushim për shkak të kalendarit.
Ballshiotët e kanë pushim të detyruar për shkak të kalendarit të Kategorisë së Parë, ku në fazën e tretë një skuadër si në grupet “Play-Off” ashtu edhe në ato “Play-Out” e bën pushim.
Të dy stafet e skuadrave kanë menduar që të mos i lënë pushim ekipet e tyre, ndaj edhe kanë preferuar një miqësore duke e shfrytëzuar fundjavën.
