Shqipëria në Euro 2016 ka tërhequr vëmendjen e disa prej mediave më prestigjoze botërore, duke zbuluar edhe emrin më përfaqësues të bukurisë shqiptare në mbështetje të Kombëtares.
Po ashtu edhe kombëtaret e tjera europiane kanë bukuroshet e tyre që bëjnë tifo për skuandrën e zemrën. Ashtu siç është bërë traditë gjatë viteve të fundit, në çdo kompeticion madhor të futbollit europian apo botëror, mediat sportive nxitojnë të zbulojnë edhe muzat frymëzuese të skuadrave pjesëmarrëse.
Në një klasifikim të publikuar nga gazeta franceze “Le Meilleur de Football”, femra që identifikon kuqezinjtë është këngëtarja Elvana Gjata. Një gjetje e goditur pasi hiti “Kuqezi” i këngëtares shqiptare ka arritur të pushtojë zemrat e shqiptarëve në mbarë botën.
