Salvator Mundi, një pikturë e famshme që i atribuohet Leonardo da Vinçit, është “zhdukur”. Pikërisht kështu: sipas asaj që thotë Luvri në Abu Dhabi, ka pothuajse një lloj intrige ndërkombëtare që rrethon fatin e pikturës, të shitur në ankand nga kompania Christie për një rekord prej 450.3 milion dollarë në 2017.
Vepra duhej të merrte pjesë në një ekspozitë në Luvrit në Abu Dhabi tashmë në fund të vitit 2018, por për muaj nuk ka pasur gjurmë të prezencës së saj në asnjë event. Sipas njoftimeve të New York Times, Louvre në Paris, e cila do të donte të ekspozonte veprën për festimet e 500 vjetorit të vdekjes së Leonardo da Vinçit, nuk ishte në gjendje ta “gjente” atë.
Disa javë më parë, drejtori i Luvrit në Abu Dhabi, Manuel Rabaté, i kishte thënë Corriere della Sera se Salvator Mundi nuk i takonte muzeut, duke theksuar: “Vendimi për ta ekspozuar nuk nga takon ne, por Departamentit të Kulturës dhe Turizmit të Abu Dhabi “. Tani New York Times zbulon se, sipas burimeve anonime nga Luvri në kryeqytetin e Emirateve të Bashkuara Arabe, askush nuk ka ndonjë ide se ku ndodhet piktura.
