Ndeshjet e xhiros së 27-të të Bundesligës qëlluan të jenë me fat për Borussia Dortmundin, që arriti ta marrë kreun e Bundesligës, pas gabimit të Bayern Munich.
Pas gjashtë fitoreve radhazi në Bundesligës, Bayern Munichu u ndal në ndeshjen kundër Freiburgut, e cila përfundoi me rezultat 1:1. Për shkak të dy pikëve të humbura, Bayerni e humbi edhe kreun e ligës gjermane.
Freiburgu kaloi në epërsi që pas tre minutave lojë, kur Lucas Holder arriti ta mposhtë mbrojtjen e Niko Kovacit dhe e kaloi në epërsi skuadrën e tij.
Megjithatë, 19 minuta më vonë, Robert Lewandowski e shfrytëzoi një pasim të mirë nga Leon Goretzka për ta barazuar rezultatin dhe për t’ia shpëtuar një pikë skuadrës së tij, e cila nuk mjaftoi për ta mbajtur kreun.
Në anën tjetër, barazimi i Bayernit i erdhi në ndihmë Dortmundit, i cili në fund të ndeshjes kundër Wolfsburgut i shënoi dy golat e fitores, të cilat ia edhe vendin e parë në tabelën e Bundesligës.
Dy golat e vetme në këtë ndeshje i shënoi Paco Alcacer, i cili ka qenë shpeshherë vendimtar për klubin gjerman gjatë këtij sezoni.
Kujtojmë që javën që vjen do luhet përballja mes Bayern Munich dhe Borusia Dortmund.
