Kreu i opozitës Lulzim Basha zhvilloi mbrëmjen e sotme një takim të hapur me qytetarët e Durrësit para bashkisë së qytetit. Në këtë takim ishin një numër i madh qytetarësh durrsakë, të pakënaqur nga keqqeverisja lokale dhe ajo qendrore.
Në fjalën e tij Basha komentoi edhe takimin e një dite më parë të Ramës në qytetin bregdetar, duke thënë se takime të tilla zhvillohen gjithmonë nga autokratë në ikje dhe agoni.
Basha tha se përgjegjësi kryesore i fatkeqësisë dhe varfërisë ku është zhytur Shqipëria, në fundin e tij po përpiqet të kapet mbas fijes së barit.
‘Ju falënderoj të gjithëve në këtë muzg të bukur, pasi era e lirisë dhe era e ndryshimit ka ardhur gjithmonë nga qyteti juaj. Përshëndetje të veçantë për të rinjtë durrsakë. Anë e mbanë Shqipërisë po fryn era e shpresës për një ndryshim të madh për një ndryshim të vërtetë. Sot të gjithë shqiptarët janë ngritur deri sa edhe në Shqipëri si kudo në Europë të kemi një demokraci të vërtetë dhe barazi para ligjit. Sa herë që një regjimi i vjen fundi, sa herë që autokratëve ju vjen fundi, përsërisin të njëjtat shfaqje të shëmtuara si ajo e djeshmja dje në Durrës, i cili përsëriti pa sukses edhe njeriu që prej 6 vitesh është përgjegjës për varfërinë e shqiptarëve, papunësisë, eksodit, kryehajduti i kapur që ka vjedhur votën e durrsakëve dhe shqiptarëve,, njeriu që ka hequr nga sofra e shqiptarëve bukën e fëmijëve, duke larguar njerëz nga puna, duke mbyllur shkolla spitale, duke rritur koston e jetesës. Biseda e parë që qytetarët hapin janë hallet e përditshme që kanë në jetën e përditshme’, deklaroi Basha.
