Ish-deputeti i Partisë Demokratike Romeo Gurakuqi ka komentuar spastrimin e diplomatëve në Ministrinë e Punëve të Jashtme nga Gent Cakaj dhe kryeministri Edi Rama.
Gurakuqi shprehet se ka dyshime që ky akt është hakmarrje pas divorcit mes “shefit të madh” (Edi Ramës) dhe “ish-beniaminit të tij” (Ditmir Bushati).
Reagimi i Gurakuqit në Facebook:
Mjafton të “gërvishni” pak në fasadën e Ministrisë të Europës dhe Punëve të Jashtme të Shqipërise dhe të kuptoni, se si e transformuan departamentin e menaxhimit të marrëdhënieve ndërkombëtare, Ditmir Bushati me Edi Ramën. Në vend që ky dikaster themelor i aktivitetit politik te shtetit te vinte duke u permiresuar dhe aftesuar me burime njerezore te reja te kualifikuara, ndodhi e kunderta.
Dhjetra diplomate te karrieres u shternguan te lene detyren dhe asnje diplomati te ri te shkolluar ne perendim, qe nuk pati garancine politike te PS-se dhe lidhjeve okulte te pushtetit, nuk iu dha mundesia per t’u ofruar ne sherbimin diplomatik te atdheut.
Pavaresisht kesaj, une nuk kam dyshim, se spastrimi aktual ne MEPJ, eshte vetem nje hakmarrje e nje kohe pas divorci, mes shefit te madh dhe ish- benjaminit te tij, tanime te ledhatuar nga segmente private te establishmentit, qe kontrollon politiken puniste ne kete vend. Ky spastrim, si te tjerat ne radhen e ketyre diteve, jane pjese e nevojes qe ka kreu i regjimit fashist te Tiranes, per permiresim te imazhit te degraduar dhe per te terhequr vemendjen nga permbytja e vaporrit te tij. Nga ana tjeter, une nuk e mendoj, qe zoti Caka i ka mundesite dhe kapacitetet e nevojshme drejtuese, te kaperdije te fortit e PS-se, qe jane bere garant te kesaj situate amullie, tarafesh, nepotizmi, mungese ekspertize profesionale dhe aftesie metodike, qe ka kapluar dikasterin, pragun e te cilit, dikur, mund ta kapercenin vetem njerezit me te ditur te kombit.
