Sulmuesi i përfaqësues sonë, Shkëlzen Gashi ka falenderuar tifozët për përkrahjen që po i japin kombëtares në këtë kompeticion, pjesëmarrja në të cilin pritej prej kohësh.
Pavarësisht kritikave të shumta që mori në përballjen me Zvicrën në sfidën hapëse të Grupit A, pas një rasti të artë të humbur përballë portierit, Gashi e ka marrë me sportivitet situatën.
Për ndeshjen me Francën Gashi i ka premtuar tifozerisë se do të japë gjithçka që kuqezinjtë të dalin me sukses.
Ja statusi i Gashit:
“Të dashur tifozë! Mbështetja juaj është e pabesueshme! Komentet dhe postimet tuaja më nderojnë dhe më nxisin për ndeshjen e radhës të mërkurën me Francën, për të dhënë gjithçka për ju!! Këtë ju premtoj unë juve”, ka shkruar sulmuesi në Facebook.
