Soros ka bërë zgjedhjen e tij, Erjon Veliaj është violin e parë, ndërsa Edi Rama për momentin ka kaluar i dytë.
Kështu u shpreh mbrëmjen e djeshme kreu i PDK-së, Nard Ndoka, sipas të cilit Rama dhe Veliaj kanë pasur përplasje të forta mes tyre, por Kryeministrit i dështoi skema për kufijtë e Kosovës.
Deklaratat e Ndokës
Ndoka: Në momentin që kishte një ftohje të marrëdhënieve ndërmjet Ramës dhe Veliajt – dihet publikisht se nuk komunikonin fare me njeri-tjetrin, nuk i ktheni përgjigje as sms-ve, nuk kishin bashkëpunim
Zheji: As mos ka lidhje kjo me Presidentin amerikan Trump?
Ndoka: Po kjo është edhe lidhja e kësaj…
Zheji: Si hyri Trump këtu?
Ndoka: Po skema e Ramës dështoi, skema për kufijtë e Kosovës. Nuk do ta marrë medaljen e trimërisë as Rama, as Thaçi dhe as Vuçiç nga Trump. Dështoi ajo skemë dhe ra. Këtu u fut Soros dhe ky ishte një goditje që i bëri edhe vetë Ramës duke inkurajuar Erion Veliajn.
Zheji: Erion Veliaj vazhdon t’i ketë sipas jush, marrëdhëniet me Sorosin?
Ndoka: Pa diskutim, është violinë e parë. Rama doli fare nga skema, violinë e dytë për momentin. Rama si mjeshtër i intrigës, i dërgoi një zv.ambasador të shtetit tonë që ta testonte Erion Veliajn në kulmin e kësaj ftohtësie dhe personazhi ishte prodhim i Sorosit në diplomacinë shqiptare, këto që dalin dhe mbajnë deklarata në favor të PS. Dhe i bëri një testim Erion Veliajt.
I tha që unë kam ardhur në emër të Sorosit, që situata në PS është shumë problematike, dy ministra të Brendshëm të lidhur me drogën dhe vazhdimësia e z. Rama në këto momente është e pamundur, nuk mund ta mbështesim. Dhe zoti Veliaj si naiv ra në grackën e Ramës dhe iu vetëofrua për zgjidhjen e konfliktit dhe tha se jam i gatshëm të marr përgjegjësitë edhe si kryeministër. Madje, kam dhe suport dhe mbështetje në PS, që kam dhe Fatmir Xhafajn dhe Gramoz Ruçin me vete, në krahun tim.
