Një mënyrë krejt e veçantë është gjetur për të futur sende të paligjshme në një burg të Britanisë së Madhe.
Përmes minjve të ngordhur, në burg janë futur celularë dhe drogë.
Sendet e palejueshme ishin fshehur brenda trupave të tre minjve, që më pas ishin qepur.
Minjtë ishin hedhur mbi gardhin e burgut dhe kur rojet gjetën, zbuluan se brenda barkut të tyre, ishin fshehur sasi të mëdha droge, kanabis dhe telefona celularë.
Oficerët arritën të zbulonin në fillim të muajit mars këtë mënyrë të çuditshme, ndërsa policia e Dorset ka nisur hetimet.
