Nga Boldnews.al
E çditshme, por vërtetë që duhet besuar. Edi Rama nuk është vetëm kryeministër dhe kryetar partie, statura e tij kalon përtej një “njeriu normal”. Ai mendon për gjithçka, ndërhyn kudo dhe i jep zgjidhje situatave të rënda në moment. Dhe të mendosh, ku nuk i punon mendja… Ndërsa ishte i fokusuar në Kongresin e Partisë Socialiste, Edi Rama njëkohësisht bluante në kokë emrat e trajnerit të ekipit kombëtar.
Kushedi sa është mërzitur Rama. Jo se ekipi ynë u mund, por i iku nga duart të paktën nja tre ditë “tollivi” në Facebook. “Ai Panuçi është një…, më prishi punë në një situatë të vështirë, të paktën njerëzit tre ditë a më shumë do mendonin si e rrahëm turqinë në futboll, si ja rrasëm golin, llogaritë e pikëve, euforinë se në do shkojmë në Europianin e vitit 2020, etj etj”-punë futbolli… Me siguri Rama këtë nuk ja fal Panuçit.
Normal që do ikte, si trajner totalisht mëshirim i paaftësisë, po mos ia hamë hakun kryeministrit, Panuçin e kishim peshqesh nga Duka, atëherë kur u zgjodh, Rama se ku ishte me pushime. Pasi kishte shtrydhur për piar dhe propagandë të ulët ish-trajnerin e Ekipit të Kombëtares së Futbollit Giani De Biazi, që në një fjalim të gjatë iu drejtua: “Xhani o Xhan”… kryeministri mezi priste eleminatoret e reja po për propagandë, por Kristian Panuçi me paaftësinë e tij jo vetëm mërziti futbolldashësit, por pa dashje me humbjen ndaj Turqisë i prishi punë Skënderbeut të Elisës, Edi Ramës.
Në ambientet futbollistike tashmë konfirmohet se trajneri i ri mund të jetë Edi Rea, së fundmi, dy vite të shkuara ish-trajner i ekipit të Lacias. Rama i di këto punë. Ai është kryeministër në kohën e lirë, ministër, kryedoganier, “drejtues” i sistemit të drejtësisë, (veçanërisht prokurorisë), kryetar SHISHI, etj etj, por,,, Fejsbuks me kohë të plotë. Nuk mund të jetë ai përzgjedhës i trajnerit të Kombëtares së Futbollit? Sigurisht që po! Se çoç mund të ndodhë. Ja ky Edi Rea erdhi, bën vaki edhe fitojmë ndonjë takim, pse jo edhe të kualifikohemi. Ec e mbaj Edin tonë pastaj…
Kohët e fundit Rama ndërhyri vetë për sigurinë në stadium, u bë vrer kur televizionet shfaqën momentin e rrahjes së arbitrit në takimin Kamza-Laçi. Çështje imazhi, po këtu Rama bëhet bishë, nuk lë gurë pa lëvizur për të përmirësuar imazhin dhe si armë e vetme mbetet propaganda.
Ska kaluar as dy javë kur kryeministri mori për “veshi” ministrin Sandër Lleshaj, (edhe ai i zënë me punët e shtetit, sidomos në sigurimin e gazit lotsjellës), kapi edhe Dukën dhe me një tip pompoziteti tha se tani e tutje dhunë në futboll nuk do ketë. Si për dreq kohët e fundit ka nisur të mos i ecë mbarë. Vetëm një javë pas këtij takimi të bujshëm, që na “solli sigurinë”, ekipi i Tiranës kaloi dhunë fizike e verbale në stadiumin e Fushë-Krujës. Stadium i thënçin. Mos, tmerr ishte, këtu iu prish vërtetë imazhi! Me siguri edhe Elisa mund të jetë dakord. Mjafton që trajneri i ri ta ketë emrin Edi, por për të vetëm një është Skënderbe…!
