Reshjet e shiut kanë krijuar probleme edhe në kryeqytet, pavarësisht se kryebashkiaku njoftoi se gjatë natës ka punuar një grup për të qenë gati për situatën.
Problematike gjendja shfaqet tek zona e “Pallatit me Shigjeta”, ku uji ka dal në rrugë tek rrethrrotullimi i ri që po bën bashkia.
Qarkullimi kryhet me vështirësi pasi uji është rreth 50 cm në rrugë dhe automjetet lëvizin ngadalë. Prezenca e ujit përbën rrezik pasi makinat mund të fiken në rrugë.
Që në orët e para të mëngjesit, Kreu i Bashkisë së Tiranës Erion Veliaj tha se gjatë gjithë natës është punuar që shirat të mos shkaktojnë probleme.
“Kolegët e Bashkia Tiranë e kanë gdhirë që shirat të na gjejnë gati! Për çdo nevojë TEL 112 – nr unik i emergjencave”, shkroi Veliaj në Twitter.
