Kryeministri Edi Rama nuk ka kursyer akuzat në drejtim të opozitës, por edhe LSI-së, aleaten e dikurshme të tij, jo vetëm në zgjedhjet vendore, por edhe ato parlamentare. Rama tha se ish-aleatja e PS-së sot qeveris në disa bashki me votat e shumicës socialiste, por në 1 korrik, edhe këto bashki do të drejtohen nga socialistët
Rama tha se beteja për 30 qershorin do të nisë pa dorashka.
“Nisim ofensivën frontale, koha që ne ecim në majë të gishtave ka mbaruar. Nuk do të presim më ata që e duan Shqipërinë shesh për përshesh.
I kemi kur kanë sulmuar Parlamentin, Qeverinë, Policinë e Shtetit, prokurorët dhe gjykatësit që kalojnë Vettingun, dhe vetë Reformën në Drejtësi, sa herë Vettingu nxjerr jashtë sistemit të drejtësisë gjyqtarët dhe prokurorët e korruptuar, por që janë shërbëtorë të tyre.
Kanë sulmuar Shqipërinë në çdo instancë, ku kanë pasur mundësi. Nuk i kemi kthyer përgjigje sy për sy, u kemi mundësua të flasin në Kuvend më shumë se ne, kemi duruar bojën e dëshpërimit të tyre mbi fytyrat tona, por gjithçka ka qenë e kot.
Në vend që të na sfidonin, zgjodhën të na gjuajnë me gurë, kanë vendosur që të na marrin me vete si i mbyturi që të mbyt.
Ta harrojnë se do të mund të marrin pushtetin në tavolinë. Ne nuk kemi mandat për të lëshuar nga dora, por kontratë për të zbatuar dorë për dore me njerëzit e zakonshëm të këtij vendi.
Unë kam bërë gabime, por kurrë nuk do t’ju tradhëtoj”, tha Rama.
Në vijim ai shtoi se vetëm zyra është e imja, ndërsa pushteti është i shumicës së shqiptarëve.
“PD është si sheshi i vjetër në qendër, LSI si shatërvani i vjetër në bosht, të tjerët, aleatët, si kioskat e rritura në vite, anash, shtesë pas shtese, që kishin zënë pamjen parkut të Tiranës.
Ky qytet qenka është mishërimi i forcës transformuese, edhe boshllëqeve tona pa dyshim, por edhe shumë defekteve që duhen ndrequr, provë e dallimit ët madh nata me ditën mes nesh, të atyre që i kemi mbrapa.
Kush e vë këtë në dyshim, ose s’ka dalë nga ana e tyre, ose e ka harruar natën e tyre se cfarë ishte, kur ata kishin në dorë vendin dhe Tiranën”, tha ai.
