Do të nënshkruajmë një kontratë të re me shqiptarët, pasi Shqipëria nuk ka kohë për të humbur, duke i shkuar pas një pakice që është larguar në drejtim të paditur. Kështu u shpreh në fjalën e mbajtur në Kongresin elektoral të PS-së , Bled Çuçi, ministër i Bujqësisë.
Ai tha se më 30 qershor do t’i japim shqiptarëve bashkitë që duan, duke apeluar për bashkimin e të gjitha energjive.
Ndërsa ministrja e Infrastrukturës dhe Energjisë, Belinda Balluku, tha se sa herë ka zgjedhje, opozita i largohet procesit zgjedhor.
“Do të vijojmë punën për ti shërbyer qytetarëve që na besuan. Opozita ka marrë një aksion destruktiv në prag të zgjedhjeve, duke përsëritur të njëjtat skena si më parë”, tha Balluku, e cila mori detyrën e ministres pak javë më parë.
