Është kthyer në një traditë tashmë ftesa e imponuar e krerëve të partive dhe bashkive, që detyrojnë punonjësitë e administratës dhe jo vetëm të bëhen pjesë e mitingjeve dhe tubimeve që organizojnë ata.
Një ndër ‘legjendarët’ e kësaj tradite është padyshim kreu i bashkisë, Erion Veliaj, i cili nuk lë rast pa kërcënuar dhe imponuar punonjësit e administratës të bëhen pjesë e mitingjeve të tij.
Zyrtari i lartë i Partisë Demokratike, Dorjan Teliti ka reaguar me një postim në faqen e tij në facebook për mënyrën se si kreu aktual i bashkisë së Tiranës Erion Veliaj por tenton të mbledhë njerëz në mitingun e PS të së Shtunës.
Sipas Telitit të gjithë punonjësit e administratës janë të detyurar që të dalin në shesh së bashku me familjet e tyre.
Postimi i Telitit:
Fletërrufeja e partisë-bashki për punonjësit e administratës.
Të gjithë në rresht për të duartrokitur “liderin” botëror në kongresin e partisë, në të kundërt pushohesh nga puna.
Në mbledhjet e organizuara me administratën e bashkisë së Tiranës, u është kërkuar drejtorëve të mos tolerojnë asnjë mungesë në sheshin “Nënë Tereza” në aktivitetin partiak të kryebashkiakut vetëm pak metra larg pallatit të kongreseve ku do të mbahet Kongresi i PS-së.
Ata që mungojnë, pushohen direkt nga puna.
KJO DUHET TË MARRË FUND!
I ftoj të gjithë ata që detyrohen të duartrokasin nëpërmjet shantazhit të vendit të punës, të na bashkohen në përpjekjen tonë për ta bërë Shqipërinë si Europa!
#ShqipëriasiEuropa #SistemiEnveristnëAksion #StopArbitraritetit
