Rusia nuk la Anglinë që përpjekjet e saj të shumta të shpërbleheshin me fitore. Një korne në fund bëri që Glushakov të barazonte sfidën dhe të shtangte kombëtaren angleze. Eric Daier ishte ai që zhbllokoi sfidën duke shënuar nga goditja e dënimit për kombëtaren angleze duke i dhënë avantazhin e përkohshëm “3 Luanëve” ndaj një Rusie të mbyllur në mbrojtje.
Mesfushori i Tottenham, shënoi në portën e Akinfeev nga 20 metra në minutën e 73.
Anglezët tronditën dhe shtyllën 2 herë përpara shënimit të golit.
Siç pritej Anglia e filloi shumë vrullshëm pjesën e parë. Ajo pati shumë mundësi shënimi dhe ka qenë pranë golit në disa raste.
Megjithatë Rusia tregoi se është e vendosur në mbrojtje, me kthimet e shpejta të mbrojtësve prapa gjatë kundërsulmeve angleze.
Lojtari që u impresionoi në 45 minutat e para ishte Rooney, i cili me vertikalizimet e tij u dha disa herë mundësinë lojtarëve të Anglisë të kalonin në avantazh.
Kjo sfidë po luhet në qytetin e Marsejës, ku në rrugët e të cilit pati përleshje mes dy tifozerive.
Ndeshja eshte e vlefshme për Grupin B, ku më parë Uellsi fitoi perballe Sllovakisë duke marrë vendin e parë në grup.
