Lali Eri ka marë rolin e vullnetarëve të Enverit të 1991, ku nisën të organizoheshin anti-mitingjet e para kundër mitingjeve popullore që organizonte PD kundër regjimit diktatorial.
E njëjta situatë po përsëritet edhe sot, 28 vjet më pas, pothuajse në të njëjtën periudhë, ndërsa vullnetarët e dikurshëm janë zëvendësuar nga Erjon Veliaj, një Mjaftist dhe G 99, që prej vitit 2004 përdoret nga Edi Rama.
E nisi si Mjaftist kur protestonte ndaj Fatos Nanos, e vazhdoi si kryetar i G99, kur sulmonte nga jashtë PS, socialistët që po i rezistonin Ramës, dhe tani po përdoret sërisht nga Kryeministri si vullnetar i Enverit për të organizuar antimitingje.
Veliaj, në pozicionin e kryebashkiakut, organizon më 23 mars një takim në kuadër të asaj që e quan nisjen e punës për një mandat të dytë qeverisës.
Përmes mesazheve, Veliaj fton qytetarët që të jenë pjesëmarrës në një shoë, ku ai vetë do të luajë rolin e personazhit komik, duke u shfaqur i kuruar deri në detaje. Me siguri atje Veliaj nuk do të flasë për betonizimin, për Ardit Gjoklajn, apo shembjen e Teatrit Kombëtar.
Nuk do të flasë as për shembjen e banesave të qytetarëve, por ndoshta do të numërojë pemët që ka mbjellë, fasadat që ka lyer dhe për ata që i quan “katundarë” që i prishin qetësinë kryeministrit.
Lali Eri njofton përgatitjen për një fushatë zgjedhore, në një kohë kur opozita është në protesta, në një situatë të ngjashme me atë të 1991.
Deputetët e opozitës kanë dorëzuar mandatet e deputetëve, prej më shumë se 1 muaji kryesojnë protestat qytetare, ndërsa ka deklaruar se nuk mund të ketë zgjedhje përsa kohë Edi Rama është kryeministër.
Në kushte të tilla nuk dihet se më kë do të bëjë zgjedhje Lali Eri, i cili është vendosur si mburojë para Edi Ramës, pozicion që mesa duket e ka të detyruar.
Ditën e enjte opozita ka paralajmëruar protestën e rradhës para Kuvendit, ndërsa dy ditë më pas, Veliaj ka vendosur të bëjë një antimiting, në sheshin Nënë Tereza, ku pritet që krahas karrigeve, të zakonshme për takimet e Rilindjes, mund të shtrohen edhe tapete të kuqe.
Veliaj nuk e ka problem të mbledhë njerëz në këtë shesh, pasi vetëm administrata që ka në varësi si Kryebashkiak i mjafton për të mos pasur karrige të lira.
Këtu nuk po përfshijmë edhe punonjës të administratës qendrore, mësues dhe edukatore, nxënës të shkollave të mesme, të cilët detyrohen të dalin të festojnë dhe jo më të duartrokasin Lali Erin dhe Edi Ramën.
Ndaj mos u habisni, kur të shtunën të shihni edhe njerëz në këmbë, që brohorasin, duatrokasin dhe ndoshta mund të mbajnë edhe fjalime.
Të njëjtën gjë bëri edhe më 17 mars kur festoi Ditën e Verës dhe detyroi masivisht buxhetorët dhe nxënësit e shkollave të dilnin në festime.
Për 1 apo 2 orë, Veliaj dhe Rama, mund të ndjehen komodë, madje mund të tregojnë edhe se kanë mbështetje, pavarësisht se përballë tyre mund të jenë njerëz që janë kërcënuar me bukën e gojës apo me vendin e punës.
Rama dhe Veliaj e kanë të qartë atë që po ndodh dhe ndoshta anti-mitingjet janë “fishekët” e fundit. /Boldnews.al/
Publikohet video, lali Eri fshin qurrat në shpinën e… (VIDEO)
