Nis procedura për zgjedhjen e Kryeprokurorit të ri. Në mbledhjen e nesërme të KLP pritet të miratohen kriteret dhe procedura për përzgjedhjen e kandidatëve për Prokuror të Përgjithshëm.
Njoftimi është bërë zyrtarisht nga KLP, e cila bën të ditur se gjithashtu në këtë mbledhje, do të miratohet edhe rregullorja “Mbi kriteret dhe procedurën për ngritjen në detyrë të prokurorëve pranë Prokurorisë së Posaçme kundër Korrupsionit dhe Krimit të Organizuar”.
Po gjatë kësaj mbledhjeje, do të shpallet hapja e procedurës, për pozicionin e Prokurorit të Përgjithshëm si dhe do të miratohen magjistratët prokurorë udhëheqës për praktikën profesionale të kandidatëve për magjistratë të Shkollës së Magjistraturës.
