Fushata e re për promovimin e turizmit në Shqipëri ka ngjallur shumë debate dhe reagime si brenda dhe jashtë vendit. Mediat e huaja I kanë kushtuar artikuj të tërë këtij skandali të qeverisë.
Ndër mediat e huaja që kanë reaguar është edhe prestigjiozja britanike”Daily Mail”, e cila I ka kushtuar një artikull të gjatë dhe të detajuar.
Në titullin ‘Rrëmbeu nga Shqipëria’: Shefat e turizmit të vendit zgjedhin një slogan që e lidh atë me filmin e Liam Neeson rreth trafikimit seksual”, Daily Mail ndër të tjera
Është slogani i një bordi i turizmi që promovon vendin e tij duke iu referuar një filmi që flet për rrëmbime dhe trafik prostitucioni. Kjo është ajo që ka bërë Shqipëria me ‘Be taken by Albania’.
Kjo lidhet me filmin e 2008 të Liam Neeson, ‘Taken’, i cili flet për shqiptarët, trafikun e prostitucionit, reputacinit kriminal dhe e fton aktori irlandezo-verior ta vizitojë atë.Në kulturën popullore Shqipëria shihet si parajsa e grabitjeve, kriminaliteti dhe bandave.
‘Ndërkohë ne e kuptojmë se perceptimi mund të sjellë filma të bukur. Taken është totalisht i pavërtetë. Në realitet, Shqipëria është një vend i bukur dhe i sigurtë për tu vizituar dhe jetuar’, thonë nga bordi i turizmit.
Në një intervistë për ‘The Guardian’, aktori Neeson shpjegoi se si përdhunimi i një shoku, 40 vjet më parë, e kishte çuar në një moment çmendurie dhe ku kishte menduar edhe hakmarrjen kundër çdo personi të zi që kishte hasur atë natë.
Kjo, thotë ai, e kishte ndihmuar të luante edhe rolin e një njeriu hakmarrës për vrasjen e djalit të tij.
Bordi shqiptar i turizmit mund të shpresojë që shoqatat të bëjnë fushatën e tyre me aktorin e famshëm, duke shtuar se, “nuk ka publicitet i keq”.
/Burimi: Daily Mail/
