Skënderbeu do të luajë ditën e nesërme një ndeshje shumë të vështirë në shtëpi kundër Kukësit, të vendit të dytë. Orges Shehi, ka folur përpara mediave për sfidën e nesërme duke dhënë një lajm shumë të mirë për Bregun, i cili është rikuperuar.
Kukësi? “Është një ndeshje shumë e rëndësishme. Luajmë përballë një kundërshtari që ka qenë rivali jonë direkt prej shumë vitesh dhe mund ta quaj derbi. Kemi nevojë për pikë dhe duhet të luftojmë përballë një skuadre me shumë cilësi”.
Bregu? “Kemi rikuperuar Bregun dhe një javë pushim i ka bërë shumë mirë. Por unë e kam theksuar dhe një javë më para se personalisht doja të luaja javën që lam pas. Faktor plus për Bregun ishte koha”.
Ndeshja? “Këtë ndeshje e bënë të vështirë kundërshtari. I ka të gjitha vështirësitë brenda. Humbjet e ulin moralin në skuadër, nuk janë të mira, sidomos për një skuadër si ne. Jemi në periudhë tranzicioni pasi nuk krahasohet Skënderbeu i këtij viti me atë të disa viteve më para. Është një Skënderbe i ri”.
Renditja? “Vendi i i parë është larg për mendimin tim. Duhet të kalojmë çdo pengesë dhe të shohim përpara. Ky pozicion në tabelë nuk më kënaq dhe synojmë të marrim sa më shumë pikë. Kemi forca për t’u ngjitur më lart”.
Objektivi? “Do të luftojmë për trepikëshin kundër Kukësit për të qenë brenda objektivave. Kemi shumë mundësi për të ecur përpara dhe vijmë nga një moment i mirë. Duhet vazhdimësia që është shumë kryesore”.
