Shtyrja e festimeve të Ditës së Verës nga Bashkia e Tiranës, ka ngritur një sërë reagimesh nga qytetarët por edhe politikanët që e kanë kritikuar këtë vendim. Të shumtë kanë qenë ata që e kanë vënë në lojë përmes memeve kreun e bashkisë, ndërkohë që për ish-kryetarin e grupit parlamentar të LSI, Petrit Vasilin, Erion Veliaj nuk është asgjë më shumë se i pabesë, që i vodhi festën një qyteti të tëre.
Statusi i Vasilit
‘I pabesi dhe i pashpresi, që i vodhi Tiranës festën e Verës!!
Tirana ka njohur edhe pushtues, edhe ordinerë, edhe të pavlerë, edhe të pashpresë, edhe të pabesë, por të tillë që t’i grabiste edhe festën Tirana s’kishte parë kurrë.
Shiu imagjinar i lagu trutë të pabesit dhe të pashpresit.
Shiu imagjinar ishte thjesht jarga me të cilën i pashpresi dhe i pabesi lëpin qeverinë e drogës dhe të krimineleve.
Një i tillë i pabesë dhe i pashpresë, që shet kryeqytetin dhe vendos t’u vjedhë edhe festat qytetarëve të Tiranës nuk u duhet hiç atyre.
I pabesi dhe i pashpresi i tradhtoi qytetarët e tij dhe nuk ka ahengxhije apo cingije politike e artistike që mund t’i mashtrojë dot ata.
Qytetarët e Tiranës nuk do ta harrojnë kurrë të pabesin dhe të pashpresin, që guxoi t’u vidhte dhe t’u shiste edhe festat’
