Tirana ka zbritur sot në “Selman Stërmasi” ku ka zhvilluar ndeshjen e parë çerekfinale të Kupës së Shqipërisë. Kryqytetasit kanë fituar me rezultatin e past♪7r 3-0 dhe e shohin veten me një “këmbë” në fazën tjetër.
Bardheblutë e drejtuar nga Ardian Mema patën një fillim të ngadaltë, por në pjesën e dytë bënë gjithçka mirë dhe shënuan tri herë. Fillimisht, ishte sulmuesi britanik, Majkëll Ngo ai që gjeti rrjetën. Pas një krosimi të shkëlqyer nga Eni Imami, shtatlarti i sulmit i vodhi kohën mbrojtjes kurbinase dhe shënoi me kokë, duke shtangur portierin Selmani. Pas 53 minutash lojë, Tirana në avantazh. 12 minuta më vonë, do të ishte sërish Ngo ai që do të shënonte. Një pasim nga Hoxhallari kontrollohet mirë nga sulmuesi britanik, i cili shmang dy mbrojtës kundërshtar brenda zonës dhe shënon me të djathtën. Goli i tretë mbajti firmën e Hasanit në minutën e 73’, gol që vendosi dhe rezultatin final të sfidës.
VIDEO:
53’ Goooool Tirana! Sulmuesi Ngo shënon me kokë, duke mposhtur portierin Selmani. Një krosim perfekt nga Imami gjen kokën e britanikut, i cili i jep udhë sferës drejt rrjetës. Në avantazh Tirana
65’ Gooool Tirana! Majkëll Ngo shënon golin e dytë personal dhe dyfishon avantazhin e Tiranës. Sulmuesi e mbron mirë topin brenda zonës, rrotullohet dhe godet bukur, duke mposhtur Selmanin në cepin e largët të portës
73′ Gooool Tirana! Një aksion perfekt mes Kobina dhe Majkëll Ngo konkretizohet me gol nga Edon Hasani, i cili gjendet në vendin e kohën e duhur brenda zonës
