Vijojnë ndryshimet në Polici. Roven Zeka pritet të largohet nga detyra e shefit të komisariatit numër 2 në kryeqytet.
Dyshimet janë se lëvizja ka lidhje me ngjarjen te “Petro Nini” në kryeqytet pak ditë më parë, ku pati përplasje mes forcave të policisë dhe banorëve që kundërshtuan nxjerrjen nga banesat.
Fotografia e Zekës, teksa kapte me forcë një djalë të mitur dhe e largon nga makina e policisë ku po i shoqëronin të atin, u kthye në virale në media dhe rrjetet sociale.
Ai ka marrë më forcë fëmijën dhe e ka larguar nga makina, por sipas raportimeve në media, ka ushtruar dhunë dhe presion psikologjik dhe ndaj familjarëve të tjerë që kundërshtonin veprimet përmbarimore për lirimin e ndërtesës.
Roven Zeka, 38 vjeç lindur në Tepelenë dhe banues në Tiranë, para pak ditësh fitoi konkursin e kontestuar për komisar në akademinë e Policisë. /Boldnews/
