Menjëherë pas fitores 3-0 ndaj Atleticos së Madridit, për “Sky Sport Italia”, foli edhe vetë protagonisti kryesor i mbrëmjes, Cristiano Ronaldo.
Ai shprehet se ky është mentaliteti që duhet në Champions League, dhe Juventusi është në rrugën e duhur, bashkë me të në ekip.
“Duhej të ishte një natë speciale, dhe kështu ndodhi. Jo vetëm për golat e mi, por edhe për skuadrën dhe lartësinë e pabesueshme në fushë. Ky është mentaliteti që duhet në Champions League, dhe ne jemi në rrugën e duhur. Juventusi prandaj më ka marrë, për ta ndihmuar në netë të tilla magjike si kjo. Atletico është vërtetë një skuadër e fortë për t’u përballur, por ne jemi gjithashtu të fortë dhe sot e provuam. Është ende herët të flasim për finale, t’i marrim me radhë”, deklaroi Ronaldo.
