Pas dy ditësh të dhëna pushim nga ana e trajnerit Orges Shehi, Skënderbeu u është rikthyer sot përgatitjeve për ndeshjen e radhës ndaj Kukësit.
Në seancën e parë stërvitore të zhvilluar pasdite, Shehi ka zgjedhur të punojë me ushtrime rikuperimi për ekipin e tij në mënyrë që edhe ngarkesa në muskuj të merret gradualisht.
Nga dita e sotme pritet që Skënderbeu të punojë më specifikisht duke rritur ngarkesën, por edhe duke përgatitur deri në detaje këtë takim. Duket se edhe një herë numri një i Skënderbeut do t’i rikthehet instruksioneve të dhëna edhe javën e kaluar për të mbajtur të karikuar futbollistët në prag të kësaj ndeshjeje.
