Pretenca për për Klement Balilin, i njohur si “Eskobari i Ballkanit”, është shtyrë për në datën 26 mars.
Seanca e sotme në ngarkim të Balilit është shtyrë pasi në sallën e gjyqit mungonte pala mbrojtëse. Në këto kushte trupi gjykues në Gjykatën e Krimeve të Rënda vendosi shtyrjen e seancës për dy javë.
Gjykata e Krimeve të Rënda do të procedojë me gjykim të shkurtuar për Kelment Balilin. Ndaj Balilit rëndojnë 4 akuza ku më e rënda është ajo e trafikut ndërkombëtar të lendëve narkotike.
Klement Balili u vetëdorëzua më 17 janar, kohë kur dosja e tij shkoi në gjykatë.
Për rreth dy vjet policia nuk arriti të arrestojë Balilin, ndërsa në vetëdorëzimin e tij ishte i pranishëm edhe kryepolici Ardi Veliu, i cili bëri shoqërimin e të pandehurit drejt Tiranës.
