Ish-ministrja e Mbrojtjes Mimi Kodheli, e ftuar në ‘A Show’, ka treguar një ngjarje që i ka ndodhur gjatë kohës që ishte në krye të Ushtrisë Shqiptare.
Ajo tha se gjatë kohës që ushtria po merrej me pastrimin e territorit, pranë një lokali, pronari i objektit hedh cigaren përtokë. Menjëherë pas këtij veprimi Kodheli i ka treguar vendin burrit që bëri veprimin e shëmtuar.
‘Kur ishim duke bërë pastrimin e territorin, pranë një lokali pronari hedh cigaren pranë këmbëve të një ushtari. Më falni për shprehjen por pas këtij gjesti ju drejtova pronarit të lokalit: Do ta marrësh tani përndryshe ta fik në ballë ti guxon vjen dikush që të pastron lokalin dhe ti hedh cigaren në tokë’, tha Kodheli.
