Nga Boldnews.al
Të mjerët shtetarë! Terrorizuan fëmijë, gra shtatzëna, invalidë dhe të moshuar, në mes të ditës në zonën më të pupolluar të Tiranës, pranë Shkollës “Petro Nini Luarasi”. Dërgoi shteti një armatë të tërë policësh mbi shpinën e katër familjeve. Në ballë prinin disa përmbarues që qeshnin me dhimbjen e qytetarëve dhe shkelmonin me sa forcë kishin mbi portën e banorëve.
Pamjet e histerizmit policor mbi katër familje që po nxirreshin nga banesat, zemëruan publikun, por zëmerata e tyre u shfaq vetëm në rrjetet sociale. Por t’i kryeministër mos u tut, herë tjetër dërgo edhe FNSH-në, mundësisht RENEA-n e snajperistë mbi taracat e pallateve. Po nuk të mjaftuan këta, urdhëro Gardën e Republikës të hedhin gaz losjellës mbi “terroristët që mbrojnë banesat e tyre”.
Aty do e kuptojnë gra shtazëna e fëmijë të mitur çdo të thotë “terror” dhe forcë e pushtetit për të bërë shtet. Ti marrin përpara gra e fëmijë, lëshoju edhe “gaz Sarin” si Asadi qytetarëve të tij. Por bëje natën, larg syve të qytetarëve, edhe më larg objektivit të kamerave.
Nëse Rama ndodhet i qetë në zyrën e tij dhe përpara ka një komjuter, tregon forcë të madhe, luan i vërtetë në “pyllin shqiptar” kthehet kryeministri. Rama është shtetar trim dhe i vendosur, shqiponjë e thëllëzë bashkë…! Ai është trim kur ndodhet larg protestave. Ndodhi revolta e Kukësit në Rrugën e Kombit? Rama iku në Vlorë, pa pikë fryme doli në konferencë shtypi, tha e çfarë nuk tha dhe në fund kërkoi falje. Luan kur situata është e qetë, lepur kur revolta i afrohet pranë zyrës. Faktet e kanë treguar.
Ndodhi protesta e opozitës më 16 shkurt? Iku sërish në Vlorë, u kthye dhe mbajti një fjalim të gjatë me zë të dridhur e gjunjë të lëkundur. Këto janë vetëm disa episode por këtë herë po e lën nervat. E poshtër media që po i shemb shqipërinë vituele që ai reklamon. Ky shtetar, që Roskovecin e krahasoi me Toskanën e begatë, nuk e ka problem që të fshihet pas çdo situate kur ka reagim popullor, siç ishte rasti kur dhjetëra forca policore terrorizuan katër familje.
“Të trishtueshme pamjet nga rruga e shtëpisë ku kërkohet ekzekutimi i një vendimi gjyqi të formës së prerë. Por e trishtueshme edhe se si Kazani i përzien gjërat pa lidhje! Qeveria s’ka asnjë fuqi mbi vendimet e gjykatave dhe policia e ka detyrim ligjor t’i përgjigjet Përmbarimit”, shkruan Rama në rrjetet sociale. Ky kryeministër tregon se nuk ndërhyn në vendimet gjyqësore…
Ka trup të gjatë, por memorie të shkurtër. Është po ky kryeministër që merrte gjyqtarët në telefon dhe i kërcënonte se nëse nuk u jepnin “arrest me burg pa afat” qytetarëve që kishin bërë lidhje të paligjshme të energjisë, do e kishin punën pisk. Po nëse policia nuk bëhet palë dhe në rastin e incidentit të rëndë tek Shkolla “Petro Nini Luarasi” zbatoi vetëm ligjin, atëherë përse i urdhëroi që të tërhiqeshin?!
Shfaqet edhe Erion Veliaj në reagim, ky i fundit edhe më malinj dhe me qëndrim të pështirë. Thotë se Bashkia Tiranë nuk ka asnjë përgjegjësi për atë që ndodhi, por shprehet i gatshëm për të afruar banesa sociale për familjet që do i nxjerrin në rrugë.
Ishte po Lali Eri që futi duar e hundët e tij në çështjen e Unazës së Re kur me një shfaqje të shëmtuar gjoja ftoi “Ukën nga Tropoja” që të prishte vetë objektin në Unazën e Re, por dy muaj më vonë, kur u zbulua skandali se një kompani fantazën përvetësoi 18 milionë euro, Lali nuk u ndje më.
Edhe pas rastit të fundit të përplasjes së policisë me katër familje pranë zonës së Tiranës së Re dyshohet se fshihet një leje ndërtimi që është premtuar nga Veliaj, ndaj edhe përmbaruesit bashkë me armatën e Policisë së Shtetit po i venë në fyt çizmen e pushtetit grave, fëmijëve dhe të moshuarve.
