Në ditën ndërkombëtare të gruas, kur solidarizimi dhe mbështetja duhej të kthehej në një detyrim moral të përhershëm, në Shqipëri vazhdon nëpërkëmbja dhe diskriminimi.
Edhe pse aktiviteti i përditshëm i femrave duhej të ishte pezulluar si një formë proteste nda shifrave të çmendura të vrasjeve dhe abuzimeve që bëhen çdo ditë, duket se Tiranën nuk e shqetëson asgjë. Përkundrazi, femrat shqiptare po mësohen gjithnjë e më shumë me nënshtrimin.
Në kuadër të ‘festimeve’ të 8 Marsit, krerët e shtetit kanë uruar nëpër llogaritë e tyre në rrjetet sociale njësoj sikur Shqipëria të ishte parajsa e premtuar për çdo femër, ndërsa të tjerë nuk kanë nguruar të bëjnë ‘gjestet e vogla’ që në fakt duhej të ishin të përditshme.
Edhe kreu i Bashkisë së Tiranës, Erion Veliaj, ka vendosur tu dhurojë transportin falas të gjitha femrave që përdorin transportin urban në kryeqytet. Një tjetër gjetje me gjasë e kopjuar diku nëpër botë, Lali Eri vazhdon të propagandojë ‘paqe dhe lumturi’ si të ishte Miss Universi. Në Facebook-un e tij prej orëve të para të mëngjesit ka vetëm foto të grave dhe vajzave që punojnë në Bashki, në dukje të lumtura por askush nuk flet për diskriminimin ndaj tyre.
Pagat e ulta, oraret e tejzgjatura si dhe presioni politik e nepotik. Një biletë falas në urbanin e Tiranës nuk do të zgjidh as financat e femrave e as nuk do ti mbrojë ato nga dhuna dhe diskriminimi. Një biletë fals është e barasvlershme me heshtje, nënshtrim dhe një fasadë e bukur e lyer dhe restauruar me shumë kujdes nga Lali Eri. /Boldnews.al/
