Gazetari i njohur Armir Shkurti përmes disa postimeve në rrjetet sociale ka rrëfyer tmerrin që po përjeton në QSUT, për gjentjen e një shtrati në pavionin e Neurologjisë, për një prej njerëzve të tij të afërt.
Shkurti shkruan “nga mesi i natës deri në 8 të mëngjesit paskam bërë rreth 2 km në korridorin e Urgjencës në QSUT. Dita e tretë në Urgjencë por krevati ende nuk po duket. Lajmi i mirë është se paskam djegur 127 kilokalori”.
Ndërkohë në një tjetër postim, duke iu drejtuar Kryeministrit Edi Rama, për gjendjen ku ndodhen spitalet, ai shkruan “Deri pa ardhur ti në pushtet, kur shkonim në dhomë të spitalit qaheshim se s’kishim ilaçe….Tani po qajmë se s’kemi as dhomë! Të bëfsha gjeneratën – siç do thoshte Joleza!”
Postimi i Armir Shkurtit
PEZULL NË PURGATOR!!!
Nata e dytë sonte në korridorin e Urgjencës së QSUT! Kam që dje në mëngjes me një nga njerëzit e mi më të shtrenjtë e nuk e shtrojmë dot në pavion, tek neurologjia se VENDE S’KA.!!!!!!
Pas ekzaminimit të parë dhe një skaneri të parë, nga PRAKTIKANTËT që punojnë të shtunë e të dielë , na u tha se duhet edhe një skaner …me kontrast! Sebepi, se, kuptohet , as tani që po flasim nuk është bërë ky skaner.
Alternativat janë 3:
1 – Praktikanti na thotë të presim
2- Praktikanti thotë se një vend për femër është liruar të shtunën , pasi ka ndërruar jetë një zonjë. Për burra, duhet të presim…. (natyrisht perferojmë të zhgërryhemi në koridor të urgjencës, në vend të kësaj alternative makabre)
3 – Praktikanti i mirë e simpatik, me syze optike, na kujtoj që ka edhe spitale private.
CILËN DO ZGJIDHJE TI?
(në respekt të kësaj tabele dhe dhjetra hallexhinjve këtu, nuk po nxjerr as foto as video…..)
