“Kur do flasim”, ishte ftesa publike që kryeministri Edi Rama i bëri kryeopozitarit Lulzim Basha nga Samiti i Diasporës, ditën e djeshme.
Sot, pas mbledhjes së grupit parlamentar, Basha i ktheu përgjigje ftesës së kreut të qeverisë.“Takimi i vetëm që unë kam është me qindra mijëra shqiptarë në 16 mars në protestën kombëtare para asamblesë së krimit (parlamentit)”, tha Basha.
“Takimi i vetëm që do të bëj është ai me qindra mijëra shqiptarë më 16 maj, ku do të organizohet protesta më e madhe nga opozita. Më ke të dialogësh me Rrajën, me Çyrben apo me Vangjush Dakon? Nuk bëhet fjalë vetëm për një parti politike, bëhet fjalë për fatin e shqiptarëve. A mund të vazhdohet më duke i gënjyer shqiptarët se dhe pak do i hapim derën e integrimit. Kjo qeveri i ka shkatërruar jetën, pronën, bizneset dhe i ka detyruar të ikin nga vendi për një jetë më të mirë. Ajo që përfaqëson faktori kombëtar është se kush kapet me vjedhje vote futet në burg. Kjo është arsyeja që shqiptarët largohen nga vendi . Ne nuk kërkojmë asgjë më shumë nga Evropa se ajo që ajo bën për qytetarët e saj. Shqiptarët jetojnë në kushte shumë të vështira dhe detyra jonë është të plotësojmë kërkesat e tyre. Nuk mund të pranojmë një qeveri që është kapur me vjedhjen e votave. Ne duam tu hapim derën e futjes në Evropë Shqipërisë, sepse kjo është lufta më e madhe. Ne nuk i trembemi asgjëje. Asamblesë së krimit i ka ardhur ora”, u shpreh kryedemokrati Basha.
