Kryetarja e LSI-së, Monika kryemadhi i ka bërë thirrje “Rilindjes” të digjet “ashtu si mandatet e opozitës”. Deklarata u bë nga Roskoveci, ku Kryemadhi zhvilloi një takim me strukturat e LSI-së atje.
Kryemadhi hodhi dhe akuza ndaj kryebashkiakes së Roskovecit Mjalinda Bufi.
“Paratë që vijnë nga shteti, vijnë për të krijuar një fasadë momentale që kur të vijë Rama në Roskovec mos të mërzitet. Sa vende të reja pune janë hapur, 0, janë mbyllur. Sa vende të reja pune janë hapur? 0, janë mbyllur. Sa janë ulur taksat? Sa të duash! Atëherë për ça i duam këta, për të varfëruar shqiptarët ?! Të ikin! Të digjen si mandatet e opozitës, sot rilindja s’përfaqëson më PS. Mos u çudisni, mos besoni çdo propagandë të Ramës, besoni atë që ka të bëjë me xhepin tua”, tha kryetarja e LSI-së.
Do kemi zgjedhje të parakohshme politike, shprehu bindjen Kryemadhi.
“Ramën do e rrëzojnë vetë socialistet”, tha Kryemadhi, e cila theksoi se pavarësisht deklaratave publike, “përkrahja ndërkombëtare ndaj Ramës është 0”. /Boldnews.al/
https://www.facebook.com/KryemadhiMonika/videos/571535073362131/
