I gjithë fjalimi i kryeministrit Edi Rama në Samitin e Diasporës që po zhvillohet në Tiranë, është adresuar në mesazhe për bashkim mes shqiptarëve, duke i adresuar kështu një sinjal të qartë edhe opozitës shqiptare. Mesazhi u përmend kur foli për shqiptarët në Tuz të Malit të Zi, kur foli për shqiptarët në Maqedoninë e Veriut, shqiptarët në Kosovë dhe shqiptarët në Shqipëri. Siç ndodh rëndom, kreu i qeverisë u ndal jo pak te propaganda, se “jemi më mirë se ç’kemi qenë”.
“Përsëri e njëjta histori, është historia e shqiptarëve i kundërvihen shqiptarëve, jo për Shqipërinë, jo për Flamurin, jo për ideale, por thjesht për hesape të vogla të katundit, jlubit, mjedisit politik”, tha Rama teksa u ndal te situata në vend.
“Dëgjova Lizën kur tha duhen më shumë gra në vendimmarrje, shqiptarët kundër shqiptarëve në shqipërimi kanë krijuar një ide dhe e kanë shpërdorë se kjo kohë në Shqipëri është koha kur na kanë pushtuar parlamentin kriminelët. Kjo është koha kur qeveria e Shqipërisë ka mbi 50 përqind gra në parlamentin e Shqipërisë, më shumë gra se ç’ka pasur ndonjëherë, në këshillat bashkiakë ka 50 përqind gra dhe 50 përqind burra. Varet nga cili kënd vendos ta shohësh vendin tënd, kur në gjuhë të huaj e kthen në mish për top për hesapet e tyre, ata që e kanë bërë këtë i ka mbuluar me turp historia, por s’na duhet kjo se atëherë është shumë vonë, na dihet të ecim në rrugën e shtetbërjes që kemi ecur deri tani. Po flasim për luftën më të madhe që i është hapur ndonjëherë korrupsionit në Shqipëri, si luftohet? Me një sistem drejtësie që bëhet armik i betuar i korrupsionit. Prokurorë dhe gjykatës në nivele më larta sot janë jashtë sistemit, hap pas hapi po ndërtohet sistemi i ri. Janë dyfishuar eksportet, në këto dy vite sipas agjencive të specializuara ndërkombëtare ka ndodhur çrrënjosja e gjithë plantacione të kanabisit që i gjeta aty kur nisëm luftën duke e vendosur problemin në rendin e ditës, Lazarati ka qenë aty”, tha Rama.
Duke folur për zërat kritikë ndaj qeverisë, Rama tha se ka një përgjigje, që në fakt e adresoi si një kërkesë për opozitën: Kur do flasim?
/Boldnews.al/
